Sabog ang ulo at namatay noon din ang biktima na nakilalang si Jimmy Ringcupan Jr., 23, binata at tubong Barangay San Jose, Antipolo City.
Samantala, naaresto naman ng pulisya ang suspek na si Zaldy Buena, 37, ng Sitio Pantay, Barangay San Jose, Antipolo City, makaraang makorner ito sa Barangay Manarong, dito.
Sa imbestigasyon, nabatid na dakong alas-7:30 ng umaga ay sinugod ng suspek ang bahay na tinutuluyan ng biktima at ng kanyang asawang si Chona Buena, 33.
Kinumpronta agad ni Zaldy ang asawang si Chona at biktimang si Jimmy. Dala ng matinding galit ay binunot ng suspek ang kalibre .38 baril sa kanyang baywang at ipinutok sa ulo ni Jimmy.
Dahil sa komosyong naganap sa naturang lugar, nabulabog ang mga residente at agad na ipinaalam sa pulisya ang pangyayari na agad namang rumesponde at naaresto ang suspek. (Ulat ni Christian Ryan Sta. Ana)