2 NPA timbog sa Baguio

CAMP AGUINALDO –Dalawang mataas na lider ng New People’s Army (NPA) ang naaresto ng militar sa kasong multiple frustrated murder sa Baguio City.

Batay sa report na nakarating sa Camp Aguinaldo, ang mga naaresto ng mga tauhan ng 17th Infantry Battalion at 5th Infantry Division ng Philippine Army ay sina Evelyn Bedena, secretary-general ng Ilocos-Cordillera regional committee at Josephine Perez na political officer ng CPP-NPA sa Ilocos.

Naaresto ang mga lider ng NPA matapos ihain dito ng mga sundalo ang ipinalabas na warrant of arrest ni Judge Corpuz Azate ng Regional Trial Court branch 1 ng Abra.

Hindi naman nanlaban ang dalawang mataas na opisyal ng CPP-NPA sa Northern Luzon nang arestuhin sila ng militar matapos masangkot sa multiple frustrated murder na kaso. (Ulat ni Angie dela Cruz)