P66-M ari-arian naabo

SURIGAO CITY – Tinatayang aabot sa P66 milyong ari-arian na pag-aari ng pamilya Ecleo at Philippine Benevolent Missionaries Association (PBMA) ang iniulat na tinupok ng apoy sa naganap na sunog noong Sabado ng gabi sa San Jose, Dinagat Island, Surigao del Norte.

Kabilang sa nasunog ay ang gusali ng Don Jose Ecleo Memorial Foundation College of Science and Technology, annex building ng PBMA administration office, Phil. Post Office, ang gusali ng General Treasury ng News Youth Organization.

Ilan sa nakasamang nasunog ay mga kontrobersyal na dokumento at financial statements, samantala, inaalam pa ng pulisya ang pinagmulan ng apoy na naganap dakong alas-7:30 ng gabi. (Ulat ni Ben Serrano)