Text vs krimen inilunsad ng PNP

TRECE MARTIRES CITY, Cavite – Pormal na inilunsad kahapon ang "Text Against Crime and Insurgency" ng bagong pamunuan ng Cavite Provincial Police Office na sinuportahan naman ni Cavite Governor Erineo "Ayong" Maliksi.

Personal na ibinigay ni P/Sr. Supt. Roberto L. Rosales, bagong provincial director ang kanyang cellphone number 0917-831-60-96 upang maipaabot sa kanya ang impormasyon na may kaugnayan sa krimen at terorismo na magaganap sa iba’t ibang bayan sa Cavite.

"Para sa seguridad ng sinumang makapagbibigay ng impormasyon na may kaugnayan sa krimen at terorismo ay hindi ibubulgar ang kanilang pangalan," dagdag pa ni Rosales.

Kasunod nito, pinulong ni Rosales ang lahat ng alkalde para pag-usapan ang planong pakikibaka sa terorismo at lumalalang pagkalat ng droga na iniuugnay sa malalagim na krimen.