Humingi rin si Maliksi ng ilang alternatibo kay House Speaker Jose de Venecia upang maipagpatuloy ang nabakanteng puwesto ni Beratio na posibleng makaapekto sa taumbayan ng 3rd district.
Kabilang sa napagkasunduan ng mga lokal na opisyales ng pamahalaan ang paghalal ng caretaker na kinabibilangan nina Congressman Plaridel Abaya ng 1st district at Congressman Gilbert Remulla ng 2nd district.
Sinabi pa ni Maliksi na sinumang mapiling caretaker ng naiwang puwesto ni Beratio ay kakatawan at hahawak sa ikatlong distrito.
Ipinangako naman ni Cavite Governor Ayong Maliksi na susuportahan niya ang sinumang mapipiling caretaker upang maipagpatuloy ang mga nakabinbing proyekto ng solon. (Ulat ni Cristina Go-Timbang)