1 pang kasapi ng kidnap-for-ransom gang sumuko

CAMP NAKAR, Lucena City –Matapos na madakip ang lider ng kilabot na kidnap-for-ransom gang ng mga ahente ng National Bureau of Investigation (NBI) ay kaagad naman sumuko ang isa pang kasapi ng grupo kay Atimonan, Quezon Mayor Florante Veranga kamakalawa ng umaga.

Ang suspek na iniharap sa mga mamamahayag ni P/Sr. Supt. Roberto Rosales, Quezon PNP provincial director ay nakilalang si Romeo Lingcoban, 33, may asawa ng Brgy. Sta. Catalina, Atimonan, Quezon.

Dakong alas-10 ng umaga nang sumuko ang suspek kay Mayor Veranga dahil sa pangamba sa kanyang buhay at ang pagkakadakip noong Hulyo 2, 2002 ng kanilang lider na si Geraldo Andrade. (Ulat ni Tony Sandoval)