Kinilala ang biktima na si SPO1 Yahiya Abdurahim, miyembro ng 1512th Police Mobile Group (PMG) ng Sulu Provincial Police Office (PPO) at tubong Parang, Sulu.
Batay sa ulat na nakarating kahapon sa Camp Crame, bandang alas-10:30 ng umaga nang maganap ang insidente sa harapan ng Yang Mart Department Store sa kahabaan ng Climaco Avenue sa nasabing lungsod.
Sa pangunang imbestigasyon, kasalukuyang naglalakad ang biktima sa nasabing lugar nang bigla na lamang sumulpot ang killer buhat sa likuran nito at pagbabarilin ito.
Mabilis namang tumakas ang suspek patungo sa hindi malamang destinasyon matapos masigurong patay na ang kanyang target. (Ulat ni Joy Cantos)