Base sa record ng DOH Regional Epidemic Surveillance, umaabot na sa 5, 591 pasyente ang dinapuan ng nakamamatay na sakit na dengue habang may 39 naman ang nasawi magmula pa noong 1998.
Base sa pinakahuling ulat na pagmo-monitor, umaabot na sa 35 kaso ng dengue sa Northern Samar; 34 sa Samar; 27 sa Eastern Samar; 15 kaso sa Southern Leyte at 10 naman sa lalawigan ng Biliran.
Sa lahat ng lalawigan, ang Leyte ang pinakamataas na bilang ng apektado ng dengue fever na umabot na sa 271 kaso.
Sinabi ng mga ekspertong doctor na ang Dengue H-Fever ay isang infectious disease na likha ng virus transmitted sa pamamagitan ng kagat ng mosquito na tinatawag na Aedes Aegypte at Aedes Albopictus at ito ay sumasalakay sa umaga sa paligid ng bahay, eskuwelahan at opisina. (Ulat ni Ricky Bautista)