Lebanese natodas sa hit & run

CAMP VICENTE LIM, Laguna – Lebanese national ang iniulat na nasawi makaraang ma-hit and run sa kahabaan ng South Expressway sa Mamplasan, Biñan, kamakalawa ng madaling araw.

Kinilala ng pulisya ang biktima na si George Semaan, 38, manager ng ABC Human Resource ng Golden City Subd., Brgy. Dita, Sta. Rosa, Laguna.

Lumalabas sa pagsisiyasat ng pulisya, ang biktima na ipinarada sa nabanggit na lugar ang kanyang kotseng Mitsubishi na kulay pula at may plakang UHP-741 upang tingnan ang nasirang gulong.

Subalit sa pagbaba nito ay biglang nahagip ng hindi kilalang sasakyan na nagresulta upang masalpok ito at mamatay. (Ulat ni Ed Amoroso)