Nabatid sa ulat ng pulisya na pinagbabaril ang bahay ni dating Bacon Mayor Leovic Dioneda dakong alas-2 ng madaling-araw habang walang naiwang katiwala at pamilya ng nasabing dating alkalde.
Bago naging mayor si Dioneda ay naging sundalo ng Phil. Navy bago naging kasapi ng Rebolusyunaryong Alyansang Makabayan (RAM) at may paniniwalaang mga miyembro ng rebeldeng New People’s Army (NPA) ang may kagagawan ng pangyayari.
Wala namang naiulat na nasugatan o nasawi sa naganap na pangyayari maliban sa milyong halaga ng ari-arian ang nawasak sanhi ng mga tama ng bala ng baril. (Ulat ni Ed Casulla)