Kinilala ng pulisya ang nag-suicide na Aleman na si Heinrich Schutz, 58, ng naturang lugar.
Batay sa ulat na nakarating sa Camp Crame, dakong ala-1:30 ng hapon bago naganap ang pangyayari ay nagkaroon muna ng mainitang pagtatalo ang mag-asawa dahil sa selos na may ibang lalaki ang misis ng biktima.
Nagawang sakalin ng biktima ang kanyang misis subalit nakapiglas ito at mabilis na lumabas ng kanilang bahay.
Nabatid pa sa ulat ng pulisya na dakong alas-2 ng hapon ng makarinig ng malakas na dalawang putok ang kapitbahay ng mag-asawa subalit binalewala daw nila ito.
Dakong alas-8 ng gabi nang magpasyang magpasama sa mga pulis na umuwi na lamang si Concepcion Redoble, asawa ng biktima subalit bumungad ang duguang bangkay ni Schutz. (Ulat ni Joy Cantos)