Ang biktima na namatay habang dinadala sa pagamutan sanhi ng dalawang saksak sa katawan ay nakilalang si Nestor Paulo, 41, may-asawa, karpintero at residente ng Blk. 44, Lot 22, Phase 2, Cityhomes Subd., ng nasabing lugar.
Mabilis namang nasakote ng pulisya ang suspek na si Crizandro Dolera, binata, walang trabaho at kapit-bahay ng biktima.
Sa pagsisiyasat ng pulisya na katatapos lang mag-inuman dakong alas 11:00 ng gabi ng biktima, suspek at ng ilan pang mga kapit-bahay na kung saan ay nakaubos umano ang mga ito ng apat na bote ng nasabing alak.
Nagpaalam na ang biktima sa suspek na uuwi na dahil hindi na nito kayang uminom pa.
Subalit sumunod ang suspek sa bahay ng biktima at ilang minuto ang nakalipas ay bigla na lamang umanong nagwala ang una sabay bunot ng patalim at sinaksak ang huli.
Nabatid sa mga kasamahan ng biktima na wala naman umanong pinag-awayan ang dalawa habang ito ay nag-iinuman at pinaghihinalaan na ang pekeng alak ang naging dahilan kaya nag-amok ang suspek. (Ulat ni Cristina Go-Timbang)