Ang biktimang ginang na itinago sa pangalang Merly ng Rizal, Calamba ay kasalukuyan ngayong nasa pangangalaga ng mga awtoridad.
Nabatid na ang mga suspect ay armado ng kalibre.45 baril at pawang nasa impluwensiya ng droga ng gahasain ang biktima sa loob ng nasabing sasakyan.
Nabatid na dakong alas- 12 ng gabi habang hinihintay ng biktima ang kanyang ka-live in sa isang gasolinahan sa Barangay Parian nang hintuan ito ng isang owner type jeep na sinasabing pag-aari ng isang Enrico Legazpi, 23. Niyaya umano ng mga suspect ang biktima na ihahatid na sa kanilang bahay na pinaunlakan naman nito dahil sa kasama ang kanyang matalik na kaibigang babae.
Pagsapit sa madilim na lugar sa South Expressway ay tinutukan na ng mga suspect ng baril ang ginang at sa loob ng sasakyan ito ay hinubaran at saka halinhinang hinalay. (Ulat ni Ed Amoroso)