DICT Sec. Aguda nagbitiw na – Remulla
MANILA, Philippines — Kinumpirma kahapon ni Ombudsman Jesus Crispin “Boying” Remulla na nagbitiw na sa tungkulin si Department of Information and Communications Technology (DICT) Secretary Henry Aguda.
Ayon kay Remulla, tinanggap na ng Malacanang ang resignation ni Aguda bilang kalihim ng DICT.
“Nagkaproblema tayo sa DICT. Batang departamento ang DICT but it started off on the wrong foot. Nag-resign. Tinanggap na ‘yung resignation,” pahayag ni Remulla.
Napokus ang pananalita ni Remulla sa DICT nang talakayin sa kanyang programa nitong Sabado ang digitization efforts ng Office of the Ombudsman.
Natuluyang ang pagbibitiw ni Aguda, tatlong araw lamang matapos sabihin ni Press Officer Undersecretary Atty. Claire Castro na mananatili siya (Aguda) bilang pinuno ng DICT.
Si Aguda ay nagsimulang umupo sa DICT bilang kalihim noong Marso 20, 2025 nang italaga siya ni Pangulong Ferdinand Marcos Jr. upang palitan ang dating kalihim na si Ivan John Uy.
- Latest
