Kaufman kumalas na kay Duterte sa ICC
Defense team nag-reorganize…
MANILA, Philippines — Nagbitiw na si British-Israeli Atty. Nicholas Kaufman bilang lead defense counsel ni dating Pangulong Rodrigo Duterte sa International Criminal Court (ICC) sa kasong crime against humanity.
Sa inilabas na dokumento ng ICC, sinabi ni Kaufman na sa kanyang huling pagbisita sa dating Pangulo, sinabi nito na nagdesisyon si Duterte na kunin na ang serbisyo ng ibang abogado.
“I am convinced that the continuity and efficacy of Mr. Duterte’s representation will remain assured through (redacted), who has a wealth of experience at the International Criminal Court, and the existing defense team. Counsel thanks [redacted] for his extremely graceful, supportive and collegial approach,” pahayag ni Kaufman sa Trial Chamber III.
Sinabi pa ng abogado na natapos na ang kanynag isang taong kontrata para katawanin si Duterte noon pang Marso 31, 2026.
“In the event that leave is granted, I affirm that I will adhere to all relevant provisions of the [ICC] Code of Professional Conduct concerning confidentiality and record-keeping provided for in Articles 8,15, and 17,” ayon pa kay Kaufman.
Naniniwala naman si Kaufman na kung papayagan siya ng ICC na umalis ay nasa “ligtas na kamay” ang dating Pangulo.
Samantala, pinayagan ng Trial Chamber III ang kahilingan ni Dov Jacos na mag-withdraw bilang associate counsel ni Duterte bilang pagkilala sa desisyon nito na reorganization ng defense team.
Samantala, sa opinyon ni House Committee on Justice Chairperson at Batangas 2nd District Rep. Gerville “Jinky Bitrics” Luistro, hindi na umano kuntento at nasisiyahan si Kaufman na magsilbing legal counsel ng dating Pangulong Duterte matapos ang ilang beses na kabiguan na mapabaoran sa pagkuwestiyunin sa hurisdiksyon ng ICC sa kasong crimes against humanity ng kaniyang kliyente.
“And the decision came from Atty. Kaufman, not from the Duterte family. We’ve heard it, siya ‘yung nag-withdraw. So in plain view, ang interpretation ko lang po dyan, hindi na siya fulfilled standing as the lead counsel of the former President,” ani Luistro na isa ring abogado.
- Latest
