‘Self-rated poverty’ ng mga Pinoy bumaba – OCTA  

MANILA, Philippines — Iniulat ng OCTA Research na  bumaba ang bilang ng self-rated poverty ng pamilyang Pilipino.

Ito ay batay sa inilabas na survey, kung saan mula 37% ay pumalo na lamang sa 35% ang self-rated poverty na ­isinagawa noong March 19 hanggang 25 o unang kuwarter ng taong kasalukuyan.

Ito ay nangangahulugan na nasa 9.2 milyon na lamang ang self-rated poverty, mas mababa kumpara sa 9.8 milyon na naitala noong Disyembre 2025.

Sa naturang survey, 24% ang nagsabi na “not poor,” o hindi mahirap habang 41% ang hindi makapagsabi kung sila ay mahirap o hindi.

Nanatiling mataas ang self-rated poverty sa Mindanao na may 56%, at sinundan ng Visayas na may 44%.

Kung pagbabasehan naman sa socioeconomic class, mataas ang self-rated poverty was sa lower-income households na may 58% na Class E families kumpara sa 35% sa Class D at 15% sa Class ABC.

Nagpakita rin ng ­bahagyang paggalaw sa food poverty kung saan mula sa 30%, tumaas ito sa 31% o nangangahuugan ng 8.1 milyong pamilya.

Isinagawa ang non-commissioned survey sa 1,200 respondents sa may 18-anyos pataas gamit ang face-to-face interviews.Mayroon itong ±3% margin of error sa 95% confidence level.