LPG refill store sumabog: 2 kelot nahati ang katawan
MANILA, Philippines — Mistulang kinatay na hayop ang katawan ng dalawang lalaki matapos masapol ng mga sumabog na LPG tank sa loob ng isang bahay sa Diamond Village, Brgy Salawag, Dasmariñas City, Cavite, kahapon ng umaga.
Nalasog at nagkahiwa-hiwalay ang parte ng katawan ng mga biktima na sina alyas “Bryan”, 20- anyos; at alyas “Honorio”, 65-anyos, kapwa residente sa Coral St., na kung saan ang may-ari ng bahay ay si alyas “Greg”, 65, na siyang namamahala sa Trijonetrics Corp LPG.
Ayon sa imbestigasyon, nakarinig ng malakas na pagsabog ang mga kapitbahay at sumiklab ang apoy kaya naman rumesponde ang mga bumbero at agad naapula ang apoy.
Nang pasukin ang bahay ay nakita ang mga lasog na katawan ng dalawang biktima.
Ayon sa mga residente na ang nasabing bahay ay ginagawang refilling station ng mga LPG.
Ang matandang namatay ay kasosyo ng may-ari ng bahay habang ang 20-anyos ay tauhan.
- Latest
