Año, nagbitiw bilang National Security Adviser
MANILA, Philippines — Inihayag kahapon ni Palace Press Officer Atty. Claire Castro sa isang press briefing na tinanggap na ni Pangulong Ferdinand Marcos Jr. ang pagbibitiw sa puwesto ni National Security Adviser Eduardo Año.
Pinasalamatan ng Pangulo ang aniya’y dedikasyon at marangal na paglilingkod nito sa pamahalaan.
Ayon kay Castro, nagpasya si Año na magretiro sa serbisyo publiko matapos ang dekadang paglilingkod sa gobyerno at sa militar.
“As National Security Adviser, he played a key role in strengthening our national security framework, advancing our counterterrorism and internal security efforts, and ensuring close coordination across the security sector during a period of evolving regional and global challenges,” ani Castro.
Itinalaga naman ni Pangulong Marcos Jr. si Eduardo Oban Jr. bilang kapalit ni Año.
Si Oban ay nagsilbing chief of staff ng Armed Forces of the Philippines (AFP) at graduate ng Philippine Military Academy Class of 1979.
- Latest
