Marcos: CAVITEX-C5 segment 3B, toll-free buong Abril

MANILA, Philippines — Inanunsyo ni Pangulong Bongbong Marcos na libre ang toll sa bagong bukas na CAVITEX-C5 Expressway Segment 3B buong Abril sa Parañaque City.

Ang anunisyo ay ginawa ng Pangulo nang bisitahin at buksan ang segment ng CAVITEX para mabawasan ang pasanin ng mga motorista lalo na ngayong tumataas ang presyo ng langis.

Ayon kay Marcos, ang pagbubukas ng segment ay makatutulong para mabawasan ang oras ng biyahe mula sa dating isa at kalahating oras ay magiging 15-minuto na lamang.

Dahil sa pagbubukas ng CAVITEX-C5 segment 3B ay mas maikli na ang biyahe mula sa Taguig patungong Parañaque City at mas malaki ang matitipid sa gasolina ng mga motorista at comuters.

Mapakikinabangan na rin ito ng 36,000 na mga motorista at commuter na may rutang Taguig-Parañaque.