Cassandra Ong nagtatago na
MANILA, Philippines — Inihayag kahapon ni Senador Sherwin Gatchalian na hindi na mahagilap at nagtatago na si Cassandra Ong, ang kinatawan ng kompanyang Lucky South 99 ng Philippine Offshore Gaming Operator (POGO).
Ipinabatid ni Gatchalian sa deliberasyon ng panukalang badyet ng Department of Justice (DOJ) para sa susunod na taon na pinalaya ng House of Representatives si Ong dahil sa pagtatapos ng 19th Congress.
Si Ong ay pinatawan ng contempt ng House Quad Committee na nagsusuri sa POGO-linked crimes noong Setyembre 19, 2024 dahil sa umano’y pagsisinungaling tungkol sa kanyang mga record sa paaralan.
Noong Setyembre 26 noong nakaraang taon, inilipat si Ong sa CIW sa Mandaluyong City, matapos aprubahan ng QuadCom ang mosyon na siya ay ikulong doon.
Dahil nakalabas na aniya si Ong saka pa lamang naihain ang kaso kaya “at large” na ito.
- Latest
