PNP, Oplan Ligtas Undas 2025 mapayapa

MANILA, Philippines — Naging mapayapa, maayos, at ligtas ang paggunita ng Undas 2025 sa buong bansa, matapos ang matagumpay na pagpapatupad ng Oplan Ligtas Undas 2025 ng Philippine National Police (PNP).

Sa pamumuno ni acting Chief PNP, Police Lieutenant General Jose Melencio C. Nartatez Jr., maagang isinagawa ang mga paghahanda upang tiyakin ang seguridad ng mga biyahero at ang kaayusan sa mga sementeryo, terminal, at lansangan.

Naging elemento sa tagumpay ang malawakang deployment ng mga pulis sa buong bansa, maayos na koordinasyon sa local government units (LGUs) at transport agencies, civic groups at kooperasyon ng publiko sa mga pinaiiral na alituntunin.

Ayon sa PNP Public Information Office, nanatiling aktibo at bukas ang mga police assistance desk sa mga sementeryo, terminal, at matataong lugar sa buong bansa, na wala namang naitalang malalaking untoward incidents.

Patuloy din na magbabantay ang PNP sa mga terminal, lansangan, at komunidad sa inaasahang pagdagsa muli sa mga terminal at lansangan ng mga nagsisibalikang pasahero sa Metro Manila mula sa mga lalawigan.