Libreng kabaong, serbisyong libing ganap nang batas
MANILA, Philippines — Ganap nang batas ang panukalang nagbibigay ng libreng serbisyo sa libing para sa mahihirap na pamilyang Pilipino matapos itong mapasabatas kahit na hindi nilagdaan ni Pangulong Ferdinand Marcos Jr.
Ang bagong batas, Republic Act No. 12309 o “Free Funeral Services Act,” ay otomatikong naging epektibo noong Setyembre 28, makalipas ang 30-araw mula nang maisumite ito ng Kongreso sa Malacañang, alinsunod sa Article VI, Section 27(1) ng 1987 Constitution.
Para maka-avail ng libreng funeral services, kailangang isumite ng mga pamilya ang mga sumusunod na kinakailangan: Valid ID ng claimant o beneficiary; Sertipiko ng kamatayan na inisyu ng ospital, municipal health office, ng sertipikasyon mula sa tribal chieftain; kontrata sa libing na pinirmahan ng kinatawan ng pamilya ng namatay, ng mga tauhan ng punerarya, at mga otorisadong tauhan ng DSWD; at Social case study mula sa isang social worker. Ang budget para sa libreng funeral services na ito ay sisingilin sa budget ng DSWD.
- Latest
