College student binoga ng katropa, dedo

MANILA, Philippines — Idineklarang dead on arrival sa ospital ang biktimang si Edwin Pinas Inocencio Jr., 20-anyos, college student nang pagbabarilin ng kanyang katropa sa Novaliches, Quezon City, kamakalawa ng gabi.

Nakatakas naman ang suspek na si Jerome Reyes Delos Reyes, 23, ng Betzaida Dulo St. Brgy. San Agustin, Novaliches.

Sa report ng pulisya, alas-7:00 ng gabi ay kausap ng biktima ang kaibigan na si alyas Daniel sa harap ng Vargas Multi-Purpose Hall nang lumapit sa kanila ang suspek na armado ng hindi pa malamang kalibre ng baril.

Sa takot ay tumakbo ang biktima at ang kaibigan nito sa magkaibang direksyon pero hinabol ng suspek ang una at saka pinagbabaril.

Patuloy pa rin ang imbestigasyon sa motibo ng pamamaril.