Tiyahin patay sa umbag ng pamangkin
MANILA, Philippines — Idineklarang dead on arrival ang isang 60-anyos na ginang matapos na siya ay wala awang ginulpi umano ng kanyang pamangkin na lalaki, kamakalawa ng umaga sa Quezon City.
Kinilala ang nasawing biktima na si Flordelisa Taotao Resolis, biyuda, residente ng NCR DENR Compound, North Aveune, Brgy. Vasra, Quezon City dahil sa mga tinamong pasa sa ulo at katawan.
Nasa kustodiya naman ng QCPD Criminal Investigation and Detection Unit ang pamangking suspek na si John Vincent Resolis, 34, isang call center agent at residente rin ng nabanggit na lugar.
Sa imbestigasyon ng pulisya, nangyari ang krimen sa loob ng bahay ng magtiyahin, alas-11:00 ng umaga nitong Huwebes, Oktubre 3.
Sa imbestigasyon, nakatanggap ang barangay ng ulat hinggil sa nangyayaring kaguluhan sa bahay ng magtiyahin kaya agad na nirespondehan ng mga taga- barangay at nadatnan ang suspek na umiiyak sa harap ng nakahandusay na biktima.
Agad na isinugod sa EAMC ang biktima habang inaresto ang suspek na kinasuhan ng parricide.
Napag-alaman na pinagsusuntok sa mukha at ulo ng suspek ang tiyahin sa hindi pa batid na kadahilan at batay sa resulta ng cursory examination ay nagtamo ng hematoma ang biktima.
- Latest
