76 wanted person naaresto sa loob ng 24 oras
MANILA, Philippines — Sa serye ng mga operasyon sa loob lamang ng isang araw, sa Pasay, Muntinlupa, Parañaque, Makati, Taguig, Las Piñas, at Pateros ay umabot sa 76 na wanted persons ang naaresto ng mga tauhan ng Southern Police District (SPD). Ito’y sa ilalim ng pangangasiwa ni SPD Director, PBGEN Leon Victor Rosete, sa pagsasagawa ng ika-22 Warrant Day operation mula alas-12:01 ng madaling araw hanggang alas-12:00 ng hatinggabi ng Hulyo 5, 2024.
Sa kategoryang Top Most Wanted Persons, ang Makati City Police Station ay isa ang naaresto; Taguig CPS na 3 ang nadakip sa 3 operasyon; isang nahuli sa operasyon ng Pasay CPS; isa sa Muntinlupa CPS; 3 sa Las Piñas CPS; at 2 sa Parañaque CPS.
Para sa Most Wanted Persons category, isa ang naaresto ng Taguig CPS; 4 ang Pasay sa apat na isinagawang operasyon; 10 operasyon na nadakip ang 10 indibidwal ng Muntinlupa CPS; isa sa Las Piñas CPS; at isa ang nalambat ng District Mobile Force Battalion (DMFB).
Sa kategorya naman ng Other Wanted Persons, 3 ang operasyon sa 3 naaresto; 8 indibidwal sa 8 operasyon sa Taguig CPS; 2 operasyon sa 2 huli ng Pateros MPS; 10 ang huli ng Pasay sa 10 operasyon; 2 ang Muntinlupa CPS; Las Piñas CPS na may 8 nahuli sa 8 operayon; Parañaque CPS na 14 naman ang nadakip sa 14 na operasyon, at isa ang naaresto ng District Traffic Unit/District Anti-Carnapping (DTU/DACU).
Ilang indibidwal na may ‘long standing warrants’ kabilang ang nagtago sa batas ng isa at dalawang dekada ang kabilang sa matagumpay na nadakip.
- Latest