7K pulis idedeploy sa tigil-pasada
MANILA, Philippines — Ngayong araw ay idedeploy ni National Capital Region Police Office (NCRPO) chief PMaj. Gen. Jose Melencio Nartatez, Jr., ang nasa 7,000 pulis para ipantapat sa isasagawang rally ngayon at bukas ng grupong Manibela at Pagkakaisa ng mga Samahan ng Tsuper at Opereytor Nationwide (PISTON).
Ang nasabing puwersa ng pulisya ay idedeploy sa Metro Manila upang matiyak na maayos ang isasagawang protesta ng dalawang transport groups sa tanggapan ng Land Transportation Franchising and Regulatory Board (LTFRB) at sa Mendiola gayundin ang seguridad ng mga commuters na maaapektuhan ng tigil-pasada.
Pakiusap naman ni Nartatez sa mga transport group, gawing maayos at payapa ang protesta at huwag iharass ang mga PUVs na papasada.
Nabatid naman sa PISTON at Manibela na simula alas-9:00 ng umaga ay ipakikita na nila ang kawalan ng mga PUVs upang simulan ang kanilang protesta sa harap ng tanggapan ng LTFRB bandang ala-1:00 ng tanghali at alas-3 naman ng hapon sa Mendiola.
- Latest