Tangkang pagpasok ng NPA terrorist sa Calauag, Quezon napigilan
MANILA, Philippines — Nagkaroon ng sagupaan sa pagitan ng Philippine Army at New People’s Army (NPA) sa may boundary ng Brgy. Doña Aurora, Calauag, Quezon at Sta. Elena, Camarines Norte dahil sa pagtatangka ng huli na pumasok upang guluhin ang kapayapaang tinatamasa ng mga mamamayan dito nitong ika-25 ng Marso. Ayon sa Armed Forces of the Philippines 85th Infantry Battalion at Chief of Police ng Calauag MPS, gumamit ng improvised explosives device ang mga miyembro ng komunistang grupo ng SRMA 4B STRPC na nagdulot ng pagkasugat ng dalawang sundalo at sa kabutihang-palad ay walang naitalang residente ang nadamay.
Sa kabila nito ay nanatili ang paninindigan ng AFP sa tuluy-tuloy na kapayapaan, kaayusan, at kaunlaran ng bayan ng Calauag, at sa kabuuan ay sa Lalawigan ng Quezon, upang masiguro ito ay hinihikayat din ang bawat isa na makiisa sa pagpapaigting ng matibay na pagtutulungan upang manatiling malaya sa insurhensiya ang buong lalawigan ng Quezon.
- Latest