Mga bagong website sa e-sabong nagsulputan

MANILA, Philippines — Muling nagsusulputan ang mga bagong website sa e-sabong kaya patuloy ang illegal operation nito.

Ito ang inamin ni Phi­lippine National Police-Anti-Cybercrime Group (PNP-ACG) spokesperson PCapt. Michelle Sabino at pinipilit nilang tanggalin ang website, subalit muli namang gumagawa ang mga ito para tuluy-tuloy ang laro ng e-sabong.

Ang e-sabong aniya ay nagpapakita ng pagka­kataon sa ilang mga Fi­lipino na tumaya para ma­kakuha ng “quick money.”

Nakakalungkot lamang na marami pa ring Filipino ang umaasa sa ‘games of chance’ at ayaw na nahi­hirapan para kumita.

Ngayong buwan lamang, nasa 23 indibidwal ang inaresto kabilang ang isang konsehal, dahil sa e-sabong sa iba’t ibang bahagi ng Bulacan.