Naaagnas na bangkay ng Grade 11 student, natagpuan

MANILA, Philippines — Naging susi ang masansang na amoy na dahilan upang matagpuan ang naaagnas na bangkay ng isang babaeng Grade 11 student sa Brgy. San Isidro, Diffun, Quirino.

Kinilala ang biktima na si Lyan Ancheta, Grade 11 student sa Diffun National High School sa Barangay Aurora East, Diffun dito sa nasabing probinsya.

Aminado ang pulisya na blangko pa sila kung sino ang may kagagawan sa krimen, subalit nagsasagawa pa rin sila ng follow-up operations upang madakip ang salarin at matukoy ang motibo.

Sa ngayon ay sumisigaw ng hustisya at kataru­ngan ang pamilya’t kamag-anak ng biktima habang pinaglalamayan ng mga ito na puno ng hinanakit at hinagpis.