Fire truck na reresponde sa sunog tumagilid: 11 sugatan
MANILA, Philippines — Labing-isang katao ang nasugatan nang aksidenteng tumagilid ang isang rumerespondeng truck ng bumbero sa isang sunog sa residential area ng Barangay San Antonio, Parañaque City, kahapon.
Kinilala ang mga nasugatan na sina Patrick Lorenz Ortega, 17; Rollivic Salvador, 20; Salvador Fria, 29; Edcel Lopez, 18; Danilo Cruz, 56; Eugene Sacueza, 26; Ronwald De Guzman, 18; Christine Suarez, 15; Jhun Lorenz Almonte, 23; Marlo Fidelino, 27; at Jhun Carlo Tuqiero, 22.
Sa ulat, nagsimula ang sunog, alas 12:30 ng hapon sa isang bahay sa Linotype Hontiveros Compound, Fourth Estate Subdivision, Brgy. San Antonio, Parañaque.
Sa pagresponde ng Tiger Kabalikat fire volunteer group mula sa Pasay, tumagilid sa bahagi ng Sucat Road at tumilapon ang mga nakakapit na fire volunteers bago pa makalapit sa nasusunog na lugar.
- Latest
