Dagdag presyo ng petrolyo ngayong araw
MANILA, Philippines — Ngayong araw ay magpapatupad ng dagdag na presyo kada litro ang mga produktong petrolyo.
Sa advisory ng Pilipinas Shell, alas-6:00 ng umaga ngayong Martes, ay may dagdag singil na P.75 sa gosolina, P.70 sa diesel, at P.70 din sa kerosene. Ang Caltex ay nagdagdag ng singil na P.75 sa Platinum, Silver na P.75, Diesel na P.70 at P.70 din sa kerosene.Ang Total Philippines Corporation (TPC) ay may dagdag na P.70 sa diesel at P.75 sa gasoline.
Ang Seaoil ay alas-6:00 din ng umaga ngayon at katulad din ng presyo ng Shell ang ipatutupad. Ang Petrogazz ay ipatutupad ang dagdag na diesel P.70 sa diesel at P.75 sa gasoline.
Ang Cleanfuel ay magsisimula naman ng alas 4:01 ng hapon ng Martes iiral ang dagdag na P.75 sa gasolina at P.70 sa diesel.
Ang PTT Philippines ay ipatutupad ngayong alas-6:00 ng umaga ang P.75 sa gasolina at P.70 sa diesel. Habang sa Unioil na magpapataw din ng dagdag na P.75 sa Euro Gasoline products 91,95 at 97; P.70 sa Euro5 Diesel.
- Latest
