32 na ang House Deputy Speakers

MANILA, Philippines — Pumalo na sa 32 ang Deputy Speakers sa ilalim ng liderato ni Speaker Lord Allan Jay Velasco matapos na dalawa pang mambabatas ang maitalaga sa puwesto.

Natalaga sa posisyon  sina 8th District Cavite Rep. Abraham “Bambol” Tolentino at 3rd District Davao City Rep. Isidro Ungab.

Samantala, tinanggal rin bilang Chairman ng Committee on Public Accounts si Anakalusugan Rep. Mike Defensor. Humalili naman kay Defensor si Probinsyano Ako Partylist Rep. Jose “Bonito” Singson.

Natalaga naman si Magsasaka Partylist Rep. Argel Cabatbat bilang Deputy Minority Leader at si Gabriela Partylist Rep. Arlene Brosas naman bilang Assistant Minority Leader.