Documentary stamp tax pinatatanggal na
MANILA, Philippines — Isang panukalang batas ang nagtatanggal sa documentary stamp tax (DTS) sa diploma, transcript at iba pang records ang inaprubahan na ng House Committee on Ways and Means.
Sa budget briefing ng komite, nagmosyon si Baguio Rep. Mark Go na alisin ang DTS sa mga non-monetary documents tulad ng diploma para sa 1.2 milyong nagtatapos sa kolehiyo kada taon, transcript of records ng may 2 milyong Senior High School graduate kada taon at iba pang certification sa paaralan.
Kasama rin ang Oath of Office ng 650,000 opisyal ng barangay, at iba pang elective officials, Good Moral Standing Certificate na hinihingi ng Philippine Regulations Commission, na kinukuha ng mga propesyunal kada tatlong taon, Affidavit of Loss at iba pang Certificates/Notarized Documents, Proxies, Certificate of No Marriage Record at Baptismal Certificate.
- Latest
