BOC nakasabat ng P8.9-M sigarilyo, paputok

MANILA, Philippines — Tinatayang aabot sa P8.98 milyon halaga ng sigarilyo at mga paputok ang nasabat ng Bureau Of Custom ang mga sa Port of Manila.

Ang mga kontrabando ay lulan ng dalawang 40-footer vans na galing sa China na hindi ideneklarang sigarilyo at paputok  ay naka-consign sa Paragon Platinum International Trading Corporation na may tanggapan sa unit 108, The Centennial Bldg., 375 Escolta St., Binondo,  Maynila. 

Isang Bernandine Miranda ng 3034 Bagac St., Manuguit, Tondo, Manila ang natukoy na customs broker ng nasabing kargamento.

Dumating sa bansa ang shipment noong February 21 na idineklarang mga brackets ngunit sa pagsusuri ay natuklasan na kahun-kahon ng mga sigarilyo.

Isa ring shipment na naka-consign sa Power Buster Marketing na may tanggapan sa Baria Compound, Paradahan 1, Tanza, Cavite na dumating noong  February 27 na nadiskubreng kahun-kahon ng fireworks imbes na sapatos o footwear.