Ex-vice mayor, 3 pa arestado sa droga
MANILA, Philippines – Isang dating vice mayor, at 3 iba pa ang naaresto sa isinagawang pagsalakay ng mga otoridad sa isang farm sa bayan ng Famy, Laguna kahapon ng umaga.
Ang mga naaresto ay kinilalang sina dating vice mayor ng Famy, Laguna na si Amadeo Punio; Ernesto Silva; Cairo Tamo at Anna Rose Dadulla; pawang residente ng Brgy. Salang-Bato, Famy ng lalawigan.
Batay sa ulat, bago naaresto ang mga suspek bandang alas-8:45 ng umaga ay nagsagawa nang pinagsanib na elemento ng Laguna Intelligence Branch nang raid sa farm ng kaibigan ni Punio.
Nasamsam sa operasyon ang 117.65 gramo ng shabu na nagkakahalaga ng P588,250.00, isang timbangan, sari-saring shabu paraphernalia, isang shotgun, isang cal. 22 rifle, isang improvised cal. 22 pistol, isang armscor cal. 38 pistol, isang granada at sari-saring mga bala.
- Latest
