Babaeng kagawad pisak sa bus
MANILA, Philippines – Hindi na umabot ng buhay sa ospital ang isang babaeng barangay kagawad nang ito ay masagasaan ng isang pampasaherong bus kamakalawa sa Cubao, Quezon City.
Kinilala ang nasawi na si Eleonor Labro, 58, may-asawa, barangay kagawad sa Iloilo at pansamantalang nanunuluyan sa Blk.149, Lot 33, Contreras St., Sitio Central, Upper Bicutan, Taguig City.
Nasa kostudya na ng pulisya ang suspek na si Primitivo Ortiz, 54, may-asawa, driver ng Altro Transport Bus (TYR-684), tubong Surigao Del Norte at naninirahan sa Blk. 27, Lot 29, California St., North 1, Brgy. Salawag, Dasmariñas City, Cavite.
Batay sa ulat, dakong alas-6:20 ng gabi ay kabababa lang ng biktima sa isang pampasaherong bus sa kahabaan ng EDSA tapat ng Five Star Bus Terminal, Brgy. E. Rodriguez, Cubao nang hindi nito napansin ang mabilis na pagdating ng Altro Transport Bus na minamaneho ng suspek at nasalpok.
Sa lakas nang pagkakabangga ay nagtamo ng matinding pinsala sa ulo at katawan ang biktima na dinala ng mga MMDA Rescue Team sa East Avenue Medical Center (EAMC), subalit idineklara itong dead-on-arrival.
- Latest
