Bosero nabitin, dalaga ginulpi
MANILA, Philippines - Nagawang gulpihin ng isang 30-anyos na lalaki ang isang 23-anyos na dalaga matapos itong mabitin sa pamboboso dito habang nasa kisame ng banyo nang hindi ito naghubad naganap kamakalawa ng hapon sa Brgy.Tuquib, Villaviciosa, Abra.
Ang biktima ay kinilalang si Mary Angeline Pe Ablan, ng Community Empowerment Foundation (CEF) Kalahi at residente ng nasabing barangay.
Nadakip na ang suspek na si Rodel Borce, 30, ng mga nagrespondeng barangay tanod at agad na itinurnover sa pulisya.
Batay sa imbestigasyon, bandang alas-11:00 ng gabi ay pumasok sa banyo ang dalaga upang maglaba ng kaniyang panty na lingid sa kaalaman ay nasa kisame ang suspek at namboboso.
Hinala ng pulisya na nabitin ang suspek nang hindi maghubad ang dalaga kaya lumundag ito mula sa kisame at pinagsusuntok sa mukha ang dalaga na tinangka pa nitong pagtatagain at mabuti na lamang at nakatakbo ito palabas ng banyo.
Nakahingi ng saklolo ang dalaga sa kanilang mga kapitbahay at naaresto ang suspek sa isang follow-up operations.
- Latest
