400 pamilya lumikas... 2 patay sa ubusan ng angkan
MANILA, Philippines – Muling sumiklab ang clan war na ikinasawi ng dalawang katao naganap kamakalawa sa bayan ng Pikit, North Cotabato.
Ang nasawing mga biktima ay kinilalang sina Nasrudin Tayuan at Pua Mangadta; pawang mula sa grupo ni Brgy. Langayen Chairman Norhan Hamid.
Batay sa ulat, dakong alas-8:00 ng umaga ay nagsagupa ang grupo ni Hamid at ang Moro Islamic Liberation Front (MILF) 105 Base Command sa pamumuno ni Commander Kuyo sa Brgy. Langayen ng nasabing lugar.
Ang angkan ni Hamid at Kuyo ay matagal ng mortal na magkaaway na sa sandaling magkru-krus ang landas ay nagpapatayan.
Bunsod ng kaguluhan ay lumikas ang nasa 400 pamilya mula sa Brgy. Kolambog at Tapodok sa takot na maipit sa bakbakan ng magkalabang angkan.
Nahinto lamang ang sagupaan ng magkabilang panig matapos na magresponde ang tropa ng militar.
- Latest
