Totoy dedo sa jeepney
MANILA, Philippines - Halos malasog ang katawan ng isang 5-anyos na batang lalaki nang masagasaan ng isang rumaragasang jeepney sa national highway ng Brgy. Matingain 1, Lemery, Batangas nitong Huwebes ng hapon.
Ang biktimang si Leon Cuevas, kinder, ay idineklarang dead on arrival sa Batangas Provincial Hospital dahil sa tinamo nitong mga sugat, pagkadurog ng buto at gasgas sa katawan bunsod ng pagkakasagasa.
Ang insidente ay naganap sa kahabaan ng highway ng nasabing lugar dakong alas-3:20 ng hapon habang binabagtas ng jeep (DXX-723) na minamaneho ng driver na si Leonardo Par, 59, galing sa bayan ng Lemery patungong Calaca.
Bigla na lang umanong tumawid ang bata hanggang sa hindi na nakayanan ni Par na maipreno ang jeep at masalpok ang biktima na nagresulta ng matinding sugat sa ulo nito at mapisak ang katawan.
Inaresto naman ng mga nagrespondeng operatiba ng pulisya ang driver ng jeepney na ngayo’y nahaharap sa kasong criminal.
- Latest
