Magtiyo dedo sa sinitang rider
MANILA, Philippines - Niratrat ng bala ang isang magtiyuhin ng isang lalaki na sakay ng motorsiklo na kanilang sinita kamakalawa ng gabi sa Parañaque City.
Ang mga biktima na nasawi ay kinilalang sina Michael Bigno, 38, may- asawa, ng # 1 Lebanon St. Barangay Don Bosco at pamangkin nitong si Guillermo Bigno Jr. 22, binata, ng Area 6, Sitio Libo Barangay Santo Niño, Parañaque City sanhi ng mga tama ng bala. Ang dalawa ay mga security volunteer sa kanilang lugar.
Sa ulat, bago nangyari ang pamamaril sa magtiyuhin dakong alas-9:00 ng gabi sa loob ng compound ng Better Living, Lebanon St. Barangay Don Bosco ay kasalukuyan nagroronda ang mga ito sa nasabing lugar nang makatanggap ng tawag mula sa radyo ng kanilang mga kasamahang guwardiya na nakatalaga sa main gate.
Iniulat sa kanila na may isang lalaking nakasakay ng kulay itim na motorsiklo na paikot-ikot sa lugar.
Nang mamataan ng magtiyuhin ang suspek at nang tangkang sitahin ay agad silang pinagbabaril.
- Latest
