Mag-asawang trader dinukot ng Sayyaf
MANILA, Philippines - Isang mag-asawang negosyante ang dinukot ng 9 na armadong kalalakihan na pinaghihinalaang miyembro ng mga bandidong Abu Sayyaf Group (ASG) sa isang lumang pampublikong pamilihan sa Zamboanga City, kamakalawa ng gabi.
Kinilala ang mag-asawa na sina Noel “Jong-Jong at Michelle Panes.
Ayon kay Captain Franco Salvador Suelto, spokesman ng Army’s 1st Infantry Division, bago nangyari ang insidente dakong alas-7:40 ng gabi ay abala ang mag-asawa sa kanilang tindahan sa Old Public Market, Purok 5, nang biglang sumulpot ang 9 armadong kalalakihan na ang tatlo ay nakasuot ng camouflage uniform at tinutukan ng baril ang mag-asawa at kinaladkad pasakay sa tabing dagat kung saan naghihintay ang sasakyan na bangka.
Sa gitna ng komosyon ay nagawang makatakas ni Noel, pero natangay ng mga kidnaper ang misis nito sakay ng bangka.
- Latest
