8 preso nakapuga sa Quezon Jail
MANILA, Philippines - Walong preso ang pumuga sa kanilang mga selda sa Gumaca, lalawigan ng Quezon.
Sa ulat ng Bureau of Jail Management and Penology (BJMP) na walong preso ang tumakas sa district jail sa Gumaca, Quezon kahapon ng madaling-araw.
Ang mga pumugang preso ay kinilalang sina Anthony Garcia Revilla, may kasong murder; Geraldel Cruz, robbery; Florante Mergenio Arguelles, murder; Freddie Ordiales Nicol, murder; Joseph Alvares, carnapping; Zeus Nierva, robbery; Joel Senosin, frustrated murder at Alejandro Villa, attempted murder.
Sa ulat, dakong ala-1:00 ng madaling araw ng tumakas ang nasabing mga preso na sinamantala ang blackout sa lugar nang lagariin ang selda sa bintana ng kanilang piitan.
Napag-alaman pa na mahigit 100 ang inmates na nakapiit sa nasabing lugar na nililitis na ng korte sa kanilang mga kaso.
Posible anyang marami pa umanong preso ang nakatakas kung hindi sumigaw ang iba pang mga preso sa ibang selda na nakita ang pangyayari bagay na umalerto sa mga jailguard at pulis dito.
- Latest
