Napagkamalang magnanakaw, napatay
MANILA, Philippines - Isang 49-anyos na lalaki ang nasawi nang barilin ng isang negosyante matapos mapagkamalang nagnanakaw ng panabong na manok kamakalawa ng gabi sa Brgy. 12, Cabadbaran City, Agusan del Norte.
Ang biktima na hindi umabot ng buhay sa ospital ay nakilalang si Rogelio Rollorata.
Ang suspek na kinasuhan ng kriminal ay nakilaÂlang si Jolly Famador alyas Tikwi, 43, breeder ng panabong na manok sa lugar.
Sa ulat, dakong alas-10:00 ng gabi ay sakay ang biktima ng motorsiklo kasama ang dalawang kaibigan nang ito ay makaramdam ng tawag ng kalikasan.
Kaya’t pansamantalang huminto sa tabi ng highway ang motorsiklo habang si Rollorata ay nagkubli naman sa puno malapit sa mga ibinebentang panabong na manok ng suspek.
Nang makita ni FaÂmador si Rollorata ay inakala itong magnanakaw na agad nitong sinita at pinagsisigawan na nauwi sa mainitang pagtatalo hanggang sa barilin gamit ang homemade shotgun. - Joy Cantos-
- Latest
