Ari ng pulis tinadyakan ng Kano

MANILA, Philippines - Isang 25-anyos na turistang Amerikano ang inaresto matapos nitong alipustain at hindi pa nakuntento ay tinadyakan ang ari ng isang pulis na nagresponde sa pagwawala nito sa Boracay Island, Malay, Aklan kamakalawa.

Ang nasakoteng suspek ay kinilalang si Ro­bert Jones na kinasuhan ng direct assault sanhi ng pa­nanakit at pagmumura kay PO1 Gregorio Ventura, 24.

Batay sa ulat, bandang ala-1:25 ng madaling-araw ay humingi ng tulong ang mga staff ng Don Vito Restaurant kay PO1 Ventura dahilan may dalawang dayuhang babaeng lasing sa dalampasigan na hindi makagulapay.

Nagresponde ang nasabing pulis, subalit, duma­ting ang suspek na  nasa impluwensya rin ng alak na pinagmumura at inalipusta ang pulis.

“Fucking police. I’ll kick your ass, you asshole. Police here in the Philippines are nothing. You are a chicken”, sabay tadyak sa ari ng naturang pulis.

Kahit na tinamaan ang ari ay agad na inaresto ni Ventura ang suspek na nagawang makapagpiyansa ng P18,000 para sa kaniyang pansamantalang kalayaan.