3 dedo sa leptospirosis

MANILA, Philippines -Tatlong katao ang na­iulat na nasawi habang nasa 100 naman ang na­dala sa ospital matapos na magkasakit ng leptos­pirosis sa Olongapo City.

Kinilala ang mga na­sawing sina Frederick Pascua 20, ng Subic; Barry Mendoza, 23, ng Sta. Rita; Jesus Bautista, 56 ng Barangay Kababae.

Ayon kay Olongapo City Mayor Rolen Pau­lino, dalawang ling­go makalipas ang pinakama­pinsalang pagbaha sa lung­sod na ito dulot ng na­ganap na habagat na dala ng bagyong “Odette,” ay nagkasakit ng leptos­pirosis ang mga tao dito.

Ang leptospirosis ay isang uri ng bakterya na nag­mumula sa ihi ng mga daga at nakakapasok sa katawan ng tao sa pa­mamagitan ng mga su­gat kapag ang tao ay lu­mublob sa tubig-baha na kontaminado ng bakterya.

Ang sintomas ng taong may leptospirosis ay ang paghina at pagkonti ng ihi, pananakit ng balakang at kasu-kasuan, paninilaw o pamumula ng mata.