Mister pinabulagta
MANILA, Philippines - Bulagta ang isang mister nang pagbabarilin ito ng hindi pa kilalang suspek habang ang biktima ay papauwi ng kanilang bahay kamakalawa ng gabi sa Navotas City.
Dead on arrival sa Tondo Medical Center sanhi ng mga tama ng bala sa katawan ang biktimang si Michael Gomez, 33, ng Everlasting St., Barangay Tangos ng naturang lungsod.
Batay sa ulat ng Navotas City Police, naganap ang insidente dakong alas-10:30 ng gabi, malapit sa bahay ng biktima.
Nabatid, na naglalakad ang biktima ng biglang sumulpot ang suspek at walang sabi-sabing pinagbabaril si Gomez hanggang sa bumulagta ito at tuluyang masawi.
Matapos ang insidente ay tumakas ang suspek habang dinala naman ang biktima sa ospital.
Inaalam pa ng pulisya ang pagkakakilanlan ng suspek at ang motibo ng krimen
- Latest
