Naubusan ng pagkain… ina dinospordos ng anak
MANILA, Philippines - Walang awang hiÂÂnataw ng dos por dos ng isang anak ang sariling ina dahil lang sa naubusan ito ng pagkain na naganap kamakalawa ng gabi sa Caloocan City.
Ang suspek na inaresto at nakakulong na ngayon ay kinilalang si Cecilio Bautista, 45 ng Baltazar St., 6th Avenue ng lungsod at kinasuhan ng frustrated parricide.
Patuloy na inoobserbaÂhan sa President Diosdado Macapagal Memorial Medical Center sanhi ng mga palo ng kahoy sa ulo ang biktimang si Fely Bautista, 70.
Batay sa ulat ng Caloocan City Police, naganap ang pamamalo dakong alas-11:00 ng gabi sa loob ng bahay nang umuwing gutom ang suspek mula sa maghapong pakikipagbarkada.
Nang pumunta sa kusina ang suspek ay nakita nito na walang pagkain.
Ikinagalit ito ng suspek at kinompronta ang ina sa pag-ubos ng pagkain na nauwi mainitang pagtatalo.
Kumuha ng patalim si Cecilio, subalit bago maisaksak ay naawat ng mga kapatid at nang madis-armahan ay lumalabas ito ng bahay.
Pagbalik ng suspek ay may dala na itong kahoy na dos por dos at walang habas na pinagpapalo ang walang kalaban-laban na nanay.
Ang biktima ay mabilis na dinala ng ibang anak sa naturang pagamutan habang dinakip ang suspek ng mga rumespondeng mga barangay tanod at dinala sa presinto.
- Latest
