Nakasagi ng upuan utas sa pen gun
MANILA, Philippines - Tuluyan nang nasawi ang isang 20-anyos na lalaki na halos isang araw nakipaglaban sa kamatayan nang barilin ng pen gun matapos masagi ang kinauupuan ng suspek kahapon ng madaÂling-araw sa Malate, Maynila.
Ang nasawi ay nakilalang si Miguelito Tabulao, ng no. 2353 J. Bocobo St., Singalong, Maynila. Habang ang suspek na pinaghahanap ng pulisya ay nakilalang si alyas Miguel.
Batay sa ulat, dakong alas-4:00 ng madaling-araw kamakalawa sa panulukan ng San Andres at Meding Sts., Malate, Maynila nang aksidenteng masagi ng biktima ang kinauupuan ng suspek.
Hindi umano nagpaumanhin ang biktima at patuloy lamang sa pagÂlalakad kasama ang kaibigang si Jeremy Surio, 17 na hindi sukat akalain na nagalit ang suspek at binaril ang una sa likod gamit ang pen gun pagkatapos ay tumakas.
- Latest
