Consul-General pinatalsik sa serbisyo

MANILA, Philippines - Pinatalsik ng Ombudsman sa serbisyo si  Consul-General Ma. Lourdes Ramiro-Lopez dahil sa paggawa ng maling entries ng kanyang personal data sheets (PDS) para sa taong  1971 at 2005. Sa  11-pahinang desisyon na nilagdaan ni  Ombudsman Conchita Carpio Morales, nakasaad na si  Lopez ay liable sa kasong administratibo  dahil sa  Dishonesty, Falsification of Official Document, Misconduct and Conduct Prejudicial to the Interest of the Service kayat tinanggal sa serbisyo. Kinansela na rin ang civil service eligibility ni Lopez, walang makukuhang  retirement benefits at hindi na maaaring mabigyan o humawak ng ano mang puwesto sa gobyerno. Si Lopez ay nagsimulang magtrabaho sa DFA bilang isang  Foreign Service Staff Employee, naging DFA Assistant Secretary at itinalaga bilang Consul-General sa Osaka, Japan.