Grade 3 pupil ginahasa at pinatay
MANILA, Philippines - Bangkay na nang maÂtagpuan ang isang Grade III pupil na nawala ng mahigit dalawang linggo sa Los Baños, Laguna matapos na ituro ang bangkay nito kamakalawa ng hapon ng pedicab driver na pumatay sa kanya.
Ayon sa ulat ni LaguÂna Provincial Police Office (PPO) Director P/Sr. Supt. Pascual Muñoz Jr., kinilala ang biktima na si Mary Grace Esguerra, 11-anyos na nawawala simula pa noong Marso 1 bandang alas-11:00 ng gabi habang pauwi ng kanilang bahay.
Ang biktima ay nagÂtitinda ng mani sa University of the PhiÂlippines–Los Baños (UPLB) at residente ng Gawad Kalinga Housing Project sa Brgy. Puthong Tuntungin ng nasabing bayan.
Ang suspek ay kinilaÂlang si Henry Hipolito, 25, pedicab driver na sinakÂyan ng biktima noong gaÂbi ng Marso 1 nang mawala ito.
Halos naaagnas na ang bangkay ng biktima nang matagpuan ito dakong alas-5:00 ng hapon sa madamong bahagi ng Villa Caringal Subdivision ng nasabing barangay matapos na ituro ito ng suspek na umamin sa krimen.
Sa himpilan ng pulisÂya, ini-report ng suspek ang pagkakadiskubre umano niya sa bangkay ng biktima matapos na mapagawi siya sa lugar upang dumumi umano at umihi.
Nagtungo ito sa pulisÂya at ini-report kung saan umano niya inihatid ang bata noong gabi ng Marso 1, pero dahilan sa kadudadudang pahayag ay piniga ito sa imbestigasyon hanggang sa aminin ang krimen.
Kasalukuyan namang pinaghahanap ang isang lalaking sakay din sa pedicab ng gabing maganap ang krimen.
- Latest
